Чөлөөт бөхийн Залуучуудын улсын аварга шалгаруулах тэмцээн амжилттай боллоо


Чөлөөт бөхийн 2019 оны залуучуудын Улсын аварга шалгаруулах тэмцээн тавдугаар сарын 23-25-нд Архангай аймгийн Цэцэрлэгт боллоо. Эрэгтэйчүүдийн 38, эмэгтэйчүүдийн 13 дахь удаагийн тэмцээнийг Архангай аймгийн чөлөөт бөхийн холбоо, Биеийн тамир спортын газар, “Арж” групп, Монголын чөлөөт бөхийн холбоо хамтран зохион байгуулж, нийслэл, дүүрэг, хөдөө, орон нутгийн 25 байгууллагын 265 тамирчин эрэгтэй, эмэгтэйчүүдийн тус бүр 10 жинд хурд, хүч, авхаалж самбаагаа сорин өрсөлдөв.
• 2а ангийн оюутан Баянсүх 97кг жинд Алтан медаль хүртэж Залуучуудын дэлхийн аварга шалгаруулах тэмцээнд оролцох эрхийн эзэн боллоо.
• 1б ангийн оюутан Одбаг 68 кг жинд Мөнгөн медаль хүртэж залуучуудын Ази тивийн аварга шалгаруулах тэмцээнд оролцохоор боллоо.
2а ангийн оюутан Баатарчулуун
2а ангийн оюутан Сумъяабазар
2а ангийн оюутан Түмэнжаргал
2в ангийн оюутан Амартүвшин
2б ангийн оюутан Ихтэнгэр нар Хүрэл медалийн төлөө барилдаж V байрт орсон.
“Аварга” дээд сургуулийн баг тамирчид багийн дүнгээр 6-р байр эзэлсэн байна. Багш, дасгалжуулагч болон тэмцээнд оролцсон нийт тамирчин, оюутнуудад баяр хүргэж, цаашдын тэмцээн уралдаанд их амжилтыг хүсье.

Олс таталтын 2019 оны Насанд хүрэгчдийн улсын аварга шалгаруулах нээлттэй тэмцээн амжилттай боллоо.


СонгиноХайрхан дүүргийн биеийн тамир спорт хорооны 25 жилийн ойн нэрэмжит Олс таталтын 2019 оны насанд хүрэгчдийн улсын аварга шалгаруулах нээлттэй тэмцээн 2019 оны 4-р сарын 27-нд СХД-ийн БТСХ-ны “А” зааланд амжилттай болж өнгөрлөө. 2004 оноос анх зохион байгуулагдаж, жил бүр уламжлал болон зохиогдож байгаа энэхүү тэмцээний зорилго нь Олс таталтын спортыг өөрийн оронд сурталчилах, түгээн дэлгэрүүлэх, багийн спортыг хөгжүүлэх, тамирчдын ур чадварын түвшинг нэмэгдүүлэх, багш, дасгалжуулагчдын харилцан туршлага солилцоход оршдог.
Тэмцээн эрэгтэй 620 кг, эмэгтэй 520 кг, холимог ангилал \4 эрэгтэй, 4 эмэгтэй\ буюу 580 кг гэсэн үндсэн 3 жингээр зохион байгуулагдсан. Холимог ангилалын хувьд албан ёсоор 2 дахь жилдээ улсын аваргын төрөл болж байгаа юм. Тэмцээний эхний 3 байранд орсон багууд алт, мөнгө, хүрэл медалиар шагнагдсан.
Тэмцээнд СонгиноХайрхан дүүргийн СХ, ДЦС-4 ТӨХК –ний Эрчим баг, Багануур дүүргийн БТСХ, “Аварга” ДС-ийн 1 болон 2-р багууд, “Аварга дэвжээ” баг, Хөдөө Аж Ахуйн Их Сургууль 1, 2-р багууд, Үндэсний Батлан Хамгаалах Их Сургууль, Говь-Алтай аймгийн баг, Алдар СХ-ний Зэвсэгт Хүчний 350-р анги, Дархан хотын Зэвсэгт Хүчний 330-р анги, Шүүхийн шинжилгээний хүрээлэн, УБТЗ, Замын 4-р анги зэрэг 17 байгууллагын 250 гаруй тамирчин оролцсон юм.
ТЭМЦЭЭНИЙ ДҮН
Эмэгтэй, 520кг
1.Аварга ДС
2.ДЦС-4, Эрчим баг
3.Багануур БТСХ
Эрэгтэй, 620кг
1.“Аварга” ДС-ийн 1-р баг
2.“Аварга” ДС-ийн 2-р баг
3.Дархан хотын Зэвсэгт Хүчний 330-р анги
Холимог, 580кг
1.“Аварга” ДС-ийн 1-р баг
2.Багануур БТСХ 1-р баг
3.ҮБХИС 2-р баг
Дасгалжуулагч багш Б.Эрдэнэчимэд болон тэмцээнд оролцсон баг, тамирчиддаа баяр хүргэж, их амжилтыг хүсье.

20 жилийн ойд зориулсан Эрдэм шинжилгээний хурал амжилттай боллоо.


“Аварга” дээд сургууль үүсгэн байгуулагдсаны 20 жилийн ой, “Аварга” ахлах сургуулийн 15 жилийн ойн нэрэмжит Эрдэм шинжилгээний хурал 2019 оны 4-р сарын 26-ны өдөр Монголын үндэсний олимпийн хорооны хурлын зааланд амжилттай зохион байгуулагдлаа.

Уг хуралд:

  1. Боловсрол судлалын чиглэлээр 9 илтгэл
  2. Бөх судлалын чиглэлээр 6 илтгэл
  3. Спортын анагаах ухааны чиглэлээр 6 илтгэл, нийт 21 илтгэл  ирүүлсэн байна.  Шүүгчээр Сурган хүмүүжүүлэх ухааны доктор, улсын начин Г.Пүрэв-Очир, Түүхийн ухааны доктор Б.Цогтбаатар, Анагаах ухааны доктор Б.Дамдиндорж нар ажиллалаа. Дээрх 3 чиглэлээр Тэргүүн байр тус тус шалгаруулж Нэрэмжит өргөмжлөл, мөнгөн шагналаар шагнаж урамшууллаа.

Боловсрол судлалын чиглэлээр Аварга ахлах сургуулийн Монгол хэл, Уран зохиолын багш Д.Бадамцэцэг “Улаанбаатар хотын сурагчдын бие бялдрын өсөлтийн төлөвийг “АВАРГА” ахлах сургуулийн сурагчидтай харьцуулах нь” сэдвээр Тэргүүн байр эзэллээ.

Бөх судлалын чиглэлээр АШУҮИС-ийн Нийгмийн Эрүүл Мэндийн Сургуулийн багш, доктор Б.Буяндэлгэр XII-XIY зууны үеийн Монголчуудын бөхийн барилдааны хэлбэрийг шинжлэх нь” сэдвээр Тэргүүн байр эзэллээ.

Спортын анагаах ухааны чиглэлээр 1Анагаахын Шинжлэх Ухааны Үндэсний Их Сургууль, 2 Монгол Улсын Боловсролын Их Сургууль,  3University of Toyama, Japan,  Х.Цэрэнвандан 1, П.Мөнхзул1, Б.Жадамбаа 2, Казуо Хашизумэ 3, Sudebilige2, Jixigema2  нарын “Монгол хүүхдийн бие бялдрын хөгжлийн харьцуулсан судалгааны дүн” сэдэвт илтгэл Тэргүүн байрын эзэд боллоо.

Хуралд ирүүлсэн илтгэлүүдийг нэгтгэн “СПОРТЫН ШИНЖЛЭХ УХААНЫ ТУЛГАМДСАН АСУУДЛУУД” нэртэй Эрдмийн чуулган-14 эмхэтгэлийг хэвлүүлсэн бөгөөд хуралд оролцогчдын хүртээл болголоо.

Уг хурлыг зохион байгуулж ажилласан хамт олон болон хуралд оролцсон нийт хүмүүст баяр хүргэж, цаашдын судалгааны ажилд нь их амжилтыг хүсье.

 

Явган аялалын тэмцээнд оролцлоо


Аварга дээд сургуулийн явган аялалын баг тамирчид  2019 оны 4-р сарын 19-21-ны өдрүүдэд 3 өдөр 2 шөнийн аялалд оролцлоо. Уг тэмцээнд 21 баг оролцсоноос Аварга дээд сургуулийн баг тамирчид 96 оноогоор 7-р байр эзэлсэн байна. Явган аялалын багш Г.Гантулга “Шилдэг аялагч багш”-аар шалгарсан байна.

Ойгоо угтсан эрдэм шинжилгээний хурал болно


Аварга дээд сургуулийн 20 жил, Аварга ахлах сургуулийн 15 жилийн ойд зориулсан Эрдэм шинжилгээний бага хурал 2019 оны 4-р сарын 26-ны Баасан гаригт Олимпийн хорооны хурлын зааланд болно. Энэхүү хурал нь нээлттэй байдлаар зохион байгуулагдаж байгаа бөгөөд дараах 3 чиглэлийн хүрээнд явагдана.

  1. Спортын анагаах ухаан
  2. Бөх судлал
  3. Боловсрол судлал

Багш нарын VII их хуралд оролцлоо


  • Монгол улсын ерөнхий сайд У.Хүрэлсүхийн ивээл дор зохиогдсон Монголын багш нарын VII их хурал 2019 оны 4-р сарын 11-12-ны өдрүүдэд Төрийн ордноо хуралдлаа. Монголын 47.8 мянган багшийн төлөөлөл болсон 800 багш ийнхүү 23 жилийн дараа салбарынхаа асуудлыг нухацтай, нээлттэй хэлэлцлээ.
  • Их дээд сургуулиудын төлөөлөл-68
  • МСҮТ-ийн төлөөлөл -40
  • Бусад төлөөлөл нь ЕБС, СӨБ, албан бус боловсролын байгууллагын багш төлөөлөгчид байлаа.
  • Уг хуралдаанд 24-91 насны төлөөлөгчид оролцсон ба Аварга дээд сургуулиас Компьютерийн багш Б.Түмэннасан, Аварга ахлах сургуулиас захирал А.Элбэг нар сургууль, хамт олноо төлөөлөн оролцож санал хүсэлт, дуу хоолойгоо хүргэлээ.

Монголын багш нарын их хурал

I их хурал 1935 онд

II их хурал 1937 онд

III их хурал 1961 онд

IV их хурал 1975 онд

V их хурал 1989 онд

VI их хурал 1996 онд зохион байгуулагдаж байсан бөгөөд 23 жилийн дараа  “Сайн багш Сайхан ирээдүй” уриан дор VII их хурлыг зохион байгууллаа.

 

Монголын багш нарын их хурал нь

  1. Хууль, эрхзүйн шинэчлэл
  2. Сургалтын бодлого
  3. Багшийн хөгжил, ёс зүй
  4. Багшийн үнэлэмж гэсэн 4 чиглэлээр хуралдсан бөгөөд дараах уриалга, тогтоомжуудыг баталлаа.

 

УРИАЛГА

  • Багш бид – Эрдмийг түгээн дэлгэрүүлэгчийн хувьд суралцагчдадаа үлгэр дуурайл болохуйц мэдлэг боловсрол, ёс зүйн хэм хэмжээний өндөр шаардлагыг өөртөө тавьж, “Багш” хэмээх хүндтэй нэр алдрыг ямагт эрхэмлэн дээдэлж ажиллах,
  • Багш бид – Хүмүүнийг сургаж, эрдэм оюуныг хөгжүүлэгчийн хувьд мэдлэг ухаан, заах ур чадвар, харилцаа хандлагадаа цаг ямагт анхаарч, өөрийгөө хөгжүүлж, эрхэлсэн ажилдаа чин сэтгэлээ зориулж, зөв Монгол хүнийг сургаж төлөвшүүлэх,
  • Багш бид – Төрт ёсоо дээдэлсэн холч ухаантай Монгол хүний хувьд төр засгаас хэрэгжүүлж буй бодлого шийдвэрт хүндэтгэлтэй хандаж, тулгамдсан аливаа саад бэрхшээлийг тал бүрээс нь сайтар тунгааж, эвийг эрхэмлэж, сайнаар үлгэрлэн олныг гэгээрүүлэх,
  • Багш бид –Сурган хүмүүжүүлэх ажилдаа судалгаа, шинжилгээ хийж, түүнийхээ үр дүнг практикт нэвтрүүлэхэд бүтээлч санаачилга, үр өгөөжтэй хандах, арга туршлагаа бусадтай хуваалцах,
  • Багш бид – Суралцагчдын сонирхол, эрэлт хэрэгцээг илүү тооцож, уян хатан олон хувилбартай, амьдрал, үйлдвэрлэлтэй нягт холбоотой шинэ мэдлэг мэдээлэл олж авах, сургалтын дэвшилтэт технологийг нэвтрүүлж бие даан суралцах чадвартай, бүтээлч сэтгэлгээтэй иргэнийг бэлтгэх.
  • Багш бид – Боловсролын эдийн засаг, бодлогын судалгааны чиглэлээр мэдлэг, чадвараа тасралтгүй дээшлүүлж, нийгмийн харилцаанд нийцсэн сэтгэлгээ, арга барилаа өөрчилж хөгжих
  • Багш бид – Ирээдүйн иргэдийг сурган хүмүүжүүлэгчийн хувьд мэргэжил, ур чадвараа тасралтгүй дээшлүүлж, нийгмийн хөгжлийн шинэ чиг хандлагыг соргог мэдэрч, цаг үетэйгээ хөл нийлүүлж, өөрөө бие даан хөгжихийг эрхэм зорилгоо болгохыг УРИАЛЖ байна.

 

Саналыг НЭГ САНАА, НЭГ САНАЛ гэсэн цаасаар болон www.Slido.comцахимаар авсан бөгөөд 4088 санал дэвшүүлсэн байна.

Монгол улсын Засгийн газар ээлжит бус хуралдаан зарлаж  тогтоол №145-ыг баталсан байна. Үүнд:

-Багш нарын ээлжит их хурлыг 5 жил тутамд зохион байгуулж байх,
-Ирэх есдүгээр сарын 1-ээс эхлэн хичээл практикийн зардлыг төрөөс дааж, хөгжлийн бэрхшээлтэй хүүхэдтэй ажиллаж байгаа багшид урамшуулал олгох асуудлыг шийдвэрлэх,
-Багш ажилтнуудыг эрүүл мэндийн урьдчилан сэргийлэх багц үзлэгт жилд нэг удаа хамруулах,
-Дээд боловсролын болон мэргэжлийн боловсролын байгууллагуудын багшийн хөгжлийн төвийг байгуулах,
-Цэцэрлэг, ерөнхий боловсролын сургууль, мэргэжлийн боловсролын сургуулийн багш нарыг компьютержүүлж, сургалтын зарим үйл ажиллагааг нь цахимжуулах ажлыг үе шаттай хэрэгжүүлэх,

-Багшийн ажлын онцлогоос хамаарч үр дүнд суурилсан урамшуулал олгох, норм нормативаас давсан ачааллыг тооцоолж нэмэгдэл цалин олгох асуудлыг судалж, үе шаттай шийдвэрлэх зэрэг асуудлыг БСШУС-ын сайд Ё.Баатарбилэг, ХНХ-ийн сайд Чинзориг, Сангийн сайд Ч.Хүрэлбаатар нарт даалгасан байна.

  • Засгийн газрын шийдвэрийг танилцуулсны дараа их хурлын төлөөлөгчид “Мянга мянган багш нарын саналыг нэгтгэж, шийдэл гарц хайж, шинэчлэлийн салхи сэвэлзсэн үр дүнтэй хурал боллоо гэдгийг онцолж, Монгол Улсын Засгийн газар хөгжлийн тэргүүлэх салбараа боловсрол, түүний дотор багш нараа гэж үзэж байгааг нотолсон шийдвэрүүд гарчээ, бид ч их хурлаас гарсан уриалгаа хэрэгжүүлж, манлайлж ажиллая” гэдгээ илэрхийлж байлаа.

 

Хуралтай холбоотой мэдээлэл бусад зүйлсийг www.bagsh.edu.mn сайтаар орж үзэх боломжтой.

Эрдмийн  чуулганы  удирдамж


Аварга  сургууль  үүсгэн  байгуулагдсны 20  жилийн ойд  зориулсан  ” Спортын шинжлэх ухааны тулгамдсан асуудлууд” хэмээх  нээлтэй Эрдмийн чуулган 2019 оны 4 сард  хийхээр  төлөвлөж байна. Багш судлаачдын  бүтээлийг “Эрдмийн бичиг”  болгон хэвлэх тул илтгэлээ   өгүүлэл хэлбэрээр доорхи журмын дагуу    4-р сарын 01  дотор  galsansukhbat@yahoo.com хаягаар ирүүлнэ үү

Илтгэлийн  чиглэл:

  1. Боловсрол судлал ( Биеийн,  тамир спортын)
  2. Спортын анагаах  ухаан 
  3. Бөх судлал

Эрдмийн  чуулганд  шалгарсан  илтгэлүүдэд  дараахи нэрэмжит  шагнал  хүртээнэ:

Боловсрол судлалаар  Спортын  салбарын Зууны манлай эрдэмтэн ШУ-ны доктор, профессор,  МУГБ  Га.  Цэрэндоржийн нэрэмжит шагнал

Спортын   анагаах  ухаанаар    Монгол улсын арслан, анагаах  ухааны  доктор  профессор Пүрэвийн Дагвасүрэнгийн нэрэмжит  шагнал

Бөх судлалаар   Зууны  манлай аварга, МУ-н  Хөдөлмөрийн баатар,  доктор   Б. Бат-Эрдэнэнийн нэрэмжит шагналыг   тус  тус олгох болно.

Илтгэгчид нь:  Багш,  дасгалжуулагчид,   эмч  нар,   магистрант докторант судлаачид,

Хурлын такс:  20 000

  ӨГҮҮЛЭЛ ХҮЛЭЭН ЖУРАМ

  1. Урд өмнө өөр хэвлэлд хэвлэгдэж байгаагүй байх
  2. Шинжлэх ухааны тодорхой асуудлыг олон улсад хүлээн зөвшөөрөгдөхүйц арга, аргачлалаар судлан, гарсан үр дүнг шинжлэх ухаанчаар батласан байх
  3. Өгүүлэл нь монгол хэлээр бичигдсэн англи товчлолтой байна.
  4. Өгүүллийн эхийг А4 хэмжээтэй бичгийн цаасан дээр, дээр доороос 2.0 см зайтай, зүүнээс 3.0 см , баруунаас 2.0 см зайтай, Microsoft Word программын Arial фонтоор, үсгийн 11 хэмжээтэйгээр мөр хоорондын зай single, нийт 3-5 нүүр байна.

 Өгүүлэл дараах бүтэцтэй байна. Үүнд:
1. Өгүүллийн нэр ( 12 хэмжээтэй, том үсгээр, Bold байх)

  1. Зохиогчийн нэр, хаяг (1-р зохиогч уг судалгааны ажлын үндсэн хэсгийг хийсэн байх, сүүлийн зохиогч уг ажлыг удирдсан байх. Зохиогчийн нэрийн баруун дээд өнцөгт 1, 2 гэх мэтээр тэмдэглэн, нэрсийн доор зохиогчийн албан газрын нэр, 1-р зохиогчийн e-mail бичсэн байна)
  2. Товч утга (зорилго/таамаглал, арга, аргачлал, үр дүн, дүгнэлт гэсэн бүтэцтэйгээр 100-150 хүртэл үгэнд багтааж бичнэ)
  3. Түлхүүр үг (Өгүүллийн санааг илэрхийлэхүйц 5 үг)
    5. Удиртгал (судалгааны ажлын үндэслэл, шинэлэг тал, зорилго)
    6. Судалгааны хэрэглэгдэхүүн, арга зүй (Сонгосон судалгааны хэрэглэгдэхүүн, хэрэглэсэн аргын нэр, товч тайлбар, , статистик боловсруулалт ямар аргаар хийгдсэн)
    7. Үр дүн (Судалгаанаас гарсан үр дүнг тодорхой бичих. Үр дүнгийн тайлбарыг хүснэгт болон зургаар илэрхийлэхдээ давхардуулж болохгүй)
    8. Хэлцэмж (Өөрийн судалгааны үр дүнг бусад судлаачдынхтай харьцуулсан байх)
    9. Дүгнэлт (Үр дүнд тулгуурласан товч тодорхой байх)
    10. Ашигласан хэвлэл (Зохиогчийн нэр, овгийн эхний үсгүүд, он, ашигласан материал, ном сэтгүүлийн нэр, боть, дугаар, хуудас, web site-ийн хаягийг бүрэн бичнэ)
    11. Англи товчлол (Өгүүллийн нэр, зохиогчийн нэр, албан газар, өгүүллийн товч утгыг англи хэлээр 200-250 үгэнд багтааж бичсэн байх)
    12. Ишлэлийг [1] гэж тэмдэглэнэ. Ишлэл авсан номыг зөв дугаарлаж, тодорхой бичнэ.
    13. Өгүүлэлд хэрэглэсэн хэмжигдэхүүийг олон улсын СИ системээр тэмдэглэнэ.
    14. Өгүүлэлд оруулсан фото зураг, график, диаграммыг хар, цагаан тод ялгарах контрасттайгаар, тайлбарын хамт ирүүлнэ.

Зохион  байгуулах  комисс

 

 

 

Жүдо бөхийн насанд хүрэгчдийн УАШТ-д амжилттай оролцлоо


Монгол Улсын 2019 оны аварга шалгаруулах жүдо бөхийн насанд хүрэгчдийн тэмцээн 1-р сарын 7-9-ны өдрүүдэд Сэлэнгэ аймгийн төв Сүхбаатар хотноо Биеийн тамир спортын ордонд боллоо.

Монгол Улсын спортын түүхэнд анхны Олимпийн аваргыг төрүүлсэн спорт бол жү-до бөхийн спорт юм. Энэхүү спортыг аймаг орон нутагтаа хөгжүүлэх их үйлсэд мэдлэг, ур чадвар, бүхий л амьдралаа зориулан хөдөлмөрлөсөнМонгол Улсын спортын мастер, багш, сурган хүмүүжүүлэгч, ОХУ-ын Буриад Улсын гавьяат дасгалжуулагч, “Алтан гадас” одонт Данзангийн Эрдэнэбатын нэрэмжит болгон явуулж буйгаараа энэ удаагийн тэмцээн онцлогтой болж байна. Тэмцээнийг аймгийн ЗДТГ-ын дарга Ө.Сувдаа албан ёсоор нээлээ. Энэхүү тэмцээн нь тив, Дэлхийн аварга шалгаруулах тэмцээн, “Токио-2020” Олимпын их наадамд оролцох, Дэлхийн чансааны оноо олгох Гран-При, Их дуулга зэрэг өндөр зэрэглэлийн тэмцээнүүдэд эх орноо төлөөлөн оролцох эрхийг жүдочдод олгодгоороо тэмцээний чансааг илтгэдэг байна. Манай сургуулиас 1а ангийн оюутан Мөнхболд 16-т,  3a ангийн оюутан Д.Нямхүү  5-р байр, 3г ангийн оюутан Мөнх-Эрдэнэ 8-т үлдсэн байна. Дасгалжуулагч багш Э.Баттөр болон тэмцээнд оролцсон баг тамирчдад баяр хүргэж, их амжилтыг хүсье.

Нөхөрсөг уулзалт-2019 төгсөгчдийн тэмцээн болно.


Төгсөгчдийнхөө саналыг харгалзан Сагсан бөмбөг, Гар бөмбөг, Ширээний теннис, Дартсын тэмцээнийг 2019.01.19-21 ний өдрүүдэд зохион байгуулах боллоо. Сагсан бөмбөг 8 хүн, гар бөмбөг 2 эм 4 эр холимог баг нийт 8 хүн, ширээний теннис 2 эр 2 эм, дартс 3 эр 3 эм нэг багт байхаар тогтлоо. Техникийн зөвөлгөөн 2019.01.18 ны Баасан гарагийн 13:00 цагт Эрдмийн зөвлөлийн өрөөнд болно. Оролцох анги, төгсөлтүүд comment үлдээгээд зохион байгуулагч нартай яаралтай холбогдоно уу.

Undes Cup тэмцээнд багаараа 2-р байр эзэллээ


2018 оны 11-р сарын 28-ны өдөр Спортын төв ордонд “Undes Cup” Жүдо бөхийн тэмцээн амжилттай зохион байгуулагдлаа. Уг тэмцээнд 130 гаруй тамирчид хамрагдсан бөгөөд эрэгтэй тамирчид 8 жинд /55кг/, эмэгтэй тамирчид үндсэн 7 жинд өрсөлдсөн ба багийн нийлбэр дүнгээр:
1-р байрт Үндэсний биеийн тамирын баг тамирчид
2-р байрт Э.Баттөр дасгалжуулагчтай Аварга дээд сургуулийн баг тамирчид
3-р байрт МУБИС-ийн баг тамирчид орлоо.
Аварга дээд сургуулийн 1в ангийн оюутан Сүхбат -60кг жинд алтан медаль
3а ангийн оюутан Д.Нямхүү -100 кг жинд алтан медаль хүртэж эрэгтэй шилдэг тамирчнаар шалгарсан байна.
3г ангийн оюутан Мөнх-Эрдэнэ, 2018 оны төгсөгч Төгөлдөр нар мөнгөн медаль хүртсэн бол 4а ангийн оюутан Ж.Жавхлан +100 кг жинд, 4а ангийн оюутан Х.Уранхишиг +78кг жинд, Энхчимэг нар хүрэл медаль хүртсэн амжилттай оролсон байна. Тэмцээнд оролцсон тамирчин оюутнууд болон дасгалжуулагч багш Э.Баттөрд баяр хүргэж улам их амжилтыг хүсье.