Магистрын сургалтын үндсэн зорилго нь Бакалаврын зэрэгтэй багш, дасгалжуулагч, эмч, хүчний байгууллагын албан хаагчид, спортын сэтгүүлч нарт эрдмийн зэрэг цолыг нь ахиулах, их дээд сургуульд багшлах эрхийг нь нээж өгөх мөн докторантурын сургалтын урьдчилсан шат гэдгээрээ онцлогтой ба манай сургууль Боловсрол судлалын чиглэлээр Магистрантурын сургалтыг зохион байгуулдаг.

Магисрын сургалт хариуцсан багш нар:

Г.Сүхбат

Ph.D, профессор

Г.Сүхбат

Ph.D, профессор

Б.Адъяахүү,

Ph.D

Б.Адъяахүү,

Ph.D

Г. Пүрэв-Очир

Ph.D

Г. Пүрэв-Очир

Ph.D

“Аварга” дээд сургууль нь үндсэн чиглэл бакалаврын зэрэгтэй суралцагчийн эрдмийн зэрэг цолыг ахиулах, судалгаа шинжилгээний ажил хийлгэх, түүний үр дүнг бодит амьдрал буюу зарим спортын төрөл, тамирчдын жишээн дээр үзэх боломж бүрдүүлэх зорилго бүхий сургалтыг онлайн болон танхимаар сургалт зохион байгуулдаг.

Тус сургууль анхны магистрантурын сургалтын сонсогч нарыг 2005 онд авсан ба 2007 оноос хойш нийт 75 эрдэмтэн магистрант хөтөлбөрт хамрагдан магистрын цол хүртсэн. Сургалт, эрдэм шинжилггээний хөтөлбөрт 1.5 жилийн хугацаанд бүрэн хамрагдсан сонсогч нар 6-р болон 10-р сард зэргийн хамгаалалтаа хийж төсгөлтийн шалгалтаа өгнө.

“Аварга” дээд сургуулийн төгсөгч болон өндөр зэрэгтэй тамирчдыг дэмжиж сурган хүмүүжүүлэх ба спортын анагаах ухаан, зарим төрлийн спорт, спортын менежмент, дасгалжуулалтын аргачлал зэрэг чиглэлээр гүнзгийрүүлсэн мэдлэг чадвар олох үүднээс сургуулийн эдгээр төсөгч нарт магистрантурын хөтөлбөрийн төлбөрөс 10- 30 % хөнгөлөлт үзүүлнэ.

Нэг. Магистрын сургалтыг явуулах ерөнхий журам

• 1.1 Сургалтын төлөвлөгөө, хичээлийн хөтөлбөрийг сургуулийн захирал батална.
• 1.2 Магистрантурын сургалт нь 1.5-2 жилийн хугацаанд үргэлжилнэ.
• 1.3 Магистрантурын сургалт нь 30-аас доошгүй кредит цагийн агуулгатай байна.
• 1.4 “Аварга” Дээд Сургуулийн Эрдмийн зөвлөл магистрын зэрэг хамгаалуулна. 1.5 Магистрын зэрэг горилсон бүтээлийн дипломыг 50-аас доошгүй хуудсанд монгол хэл дээр хураангуйг 15-20 хуудсанд монгол хэлээр бичих ба 1-2 хуудас Англи, орос хэлний аль нэг дээр бичсэн товчлолтой байна.
• 1.6 Сургалтын төлөвлөгөө ёсоор заагдсан хичээлүүдийн голч дүн 3-аас доошгүй байх бөгөөд бүх шалгалтаа С- гээс доошгүй үнэлгээтэй өгсөн байна.
• 1.7 Магистрантурын сургалт явуулах чиглэл нь боловсрол судлал, биеийн тамирын багш, дасгалжуулалт арга зүйтэй холбоотой шинжлэх ухааны үндсэн салбарууд байна.
• 1.8 Боловсрол |Биеийн тамирын| судлалаар дараахь сургалт явуулна. Үүнд:

А.Спорт сургалт, дасгалжуулалтаар

• Биеийн тамирын боловсрол
• Дасгалжуулалтын онол
• Спортын анагаах ухаан
• Спортын физиологи
• Спортын морфологи
• Спортын сэтгэлзүй
• Бие бялдрын хөгжлийн онол арга зүй
• Спортын түүх судлал
• Спортын менежмент, удирдлага Б.Нийтийн биеийн тамир
• Нийтийн биеийн тамирын тулгамдсан асуудлууд
• Спортын мэдээлэл харилцааны түгээмэл асуудлууд
• Олимпийн боловсролын судалгаа арга зүй
• Хүн амыг чийрэгжүүлэх үндэсний уламжлалт арга, замууд

1.9 Хавсарга судалгааны чиглэлээр:

• Үндэсний болон бусад бөхийн төрлүүдийн үүсэл гарал, монгол хүний бие бялдар физиологи сэтгэл зүйн онцлог,
• Тусгай болон ерөнхий хүч, тэсвэр, хурд, авхаалжийг хөгжүүлэх судалгаа,

Хоёр. Элсэгчдэд тавигдах шаардлага

2.1 Магистрантурт элсэгч нь багш, биеийн тамирын багш, дасгалжуулагч, эрүүл мэндийн мэргэжлээрээ бакалавраас дээш зэрэгтэй байна.

2.2 Эрдэм шинжилгээ судалгааны чиглэлээр бие даан ажиллах чадвар дадлыг зохих хэмжээнд эзэмшсэн хүн байх

Гурав. Магистрантурын шалгалт авах журам

Тухайн хичээлийн жилд магистрын элсэлт авах сэдвүүдийг сургуулийн эрдэм шинжилгээний хэтийн чиглэлүүдтэй уялдуулан гаргаж, эрдмийн зөвлөлөөр хэлэлцэн баталж хичээлийн жил эхлэхийн 1 сарын өмнө төвийн болон сонин хэвлэлээр дамжуулан зарлаж шалгалтыг 9-р сард багтааж авна. Элсэлтийн шалгалтыг мэргэжил, гадаад хэлээр авна.

Дөрөв. Магистрын зэрэг хамгаалахад тавигдах шаардлага

4.1 Магистрантурт суралцагч нь сургалтанд бүрэн хамрагдана.

4.2 Магистрантурт суралцагч нь төлөвлөгөөнд тусгагдсан бүх хичээлүүд дээр В ба түүнээс дээш үнэлгээ авсан байна.

4.3 Эрдэм шинжилгээний өгүүлэл 1-2 бичиж хэвлүүлсэн байна.

4.4 ЭШОПБХ-д 2-оос доошгүй илтгэл тавьж хэлэлцүүлнэ.

4.5 Судалгааны ажлын дүнгээр 3-4 хэвлэлийн хуудас диссертаци, 1,5 хуудас автореферат бичиж хамгаалалтанд бэлтгэнэ. Диссертаци, автореферат нь сэдвийг сонгох болсон үндэслэл, зорилго, зорилт, судлагдсан байдал, хэвлэлийн тойм, таамаглал, судалгааны ажлын арга зүй, үр дүн, хэлэлцүүлэг, дүгнэлт, ашигласан материал зэрэг үндсэн хэсгүүдтэй байх бөгөөд судлаач судалгаагаараа өөрийн орны болон олон улсын эрдэм шинжилгээ судалгааны хүрээнд онол үзэл баримтлал, аргын ямар шинэ асуудлыг шийдэж өгснийг товч тодорхой бичнэ.

Тав. Магистрын зэрэг хамгаалах эрдмийн зөвлөлд горилогчийн бүрдүүлэх материал

• Анкет
• Ажил байдлын тодорхойлолт
• Бакалаврын диплом
• Урьдчилсан хамгаалалт хийсэн протокол
• Бүтээлийн жагсаалт
• Сурлагын дэвтэр
• Диссертаци 3%
• Автореферат 5-7%
• Албан ёсны шүүмжлэгчийн шүүмж
• Сургалтын төлбөр төлсөн баримт

Зургаа. Магистрын зэрэг хамгаалах

6.1 Магистрын зэрэг хамгаалах ажиллагаа урьдчилсан ба жинхэнэ хамгаалалт гэсэн 2 үе шатаас бүрдэнэ.

6.2 Урьдчилсан хамгаалалтыг сургуулийн эрдмийн зөвлөлөөр оруулж энэ үед албан ёсны шүүмжлэгчийг томилон жинхэнэ хамгаалалтад оруулах эсэхийг шийднэ.

6.3 Танхимын хичээлийг бүрэн судалж сурлагын дэвтэрт дүнг баталгаажуулан багшаар гарын үсэг зуруулсан байна.

6.4 Магистрын хамгаалалтанд орохдоо сургалтын төлбөрийг бүрэн төлж дуусгасан байна.

Долоо. Магистрын зэрэг хамгаалуулах зөвлөлийн хуралдааны дэг

7.1 Гишүүдийн ирц 75%-аас багагүй үед хуралдааныг эхлүүлж хамгаалалтанд оролцсон нийт гишүүдийн 75%-аас дээш хувь нь дэмжсэн тохиолдолд уг бүтээлийг хамгаалсанд тооцно.

7.2 Хуралдааны хамгаалуулах зөвлөлийн дарга \дэд дарга\ удирдана.

7.3 Горилогчийн хамгаалуулах зөвлөлд ирүүлсэн материалыг эрдэмтэн нарийн бичгийн дарга танилцуулна.

7.4 Горилогч бүтээлээ 10 минутанд багтаан танилцуулна.

7.5 Шүүмжлэгч шүүмжээ танилцуулна

7.6 Асуулт хариулт

7.7 Зөвлөлийн гишүүдийн санал дүгнэлт

7.8 Нууц санал хураалт

7.9 Нууц санал хураалтын дүнг танилцуулж 75%-аас дээш санал авсан тохиолдолд эрдмийн зөвлөлийн тогтоол гаргаж, хамгаалалтын дүнг баталгаажуулна.

Найм. Магистрын зэрэг горилж туурвисан бүтээлийн ерөнхий бүтэц

8.1 Судалгааны ажлын үндэслэл

8.2 Судалгааны ажлын зорилг

8.3 Судалгааны ажлын зорилт

8.4 Судалгааны ажлын хэвлэлийн тойм

8.5 Судалгааны ажлын шинэлэг тал

8.6 Судалгааны ажлын таамаглал

8.7 Судалгааны ажлын арга зүй

8.8 Судалгааны ажлын үр дүн

8.9 Судалгааны ажлын практик ач холбогдол

8.10 Судалгааны ажлын дүгнэлт

8.11 Судалгааны ажилд ашигласан ном зохиол

8.12 Судалгааны ажлын товчилсон үгийн жагсаалт

8.13 Англи хэл дээр бичсэн хураангуй

Ес. Магистрын бүтээл удирдсан шүүмжийн ажлын хөлс

9.1 Магистрын бүтээл удирдсан шүүмжийн ажлын хөлсийг Захирлын 2007.02.09-ний өдрийн 1/8 дугаар тушаалыг үндэслэн олгоно.